نشيد شوفي بحالك يا غزير









نشيد شُوفي بحالك يا غزير
شُوفي بحالك يا غزير
يا أجملْ ضَيعَة بلبنان
منّك مَجد المير بْشير
مَزروعا محبّة وإيمان
تَرابك غالي مَنّو رخيص
بإيد المجّلس والرّئيس
ومن أرضك طالع قدّيس
نُورو مشَعشَع وين ما كان

إيد الّلي بتعَمّر تسلَم
وبتزرع فيكي أمجاد
شو منحبّك الله بيعلم
غالي يا ابراهيم حدّاد

عَالأرزة إسمكْ مكتُوب
أرض الألفة والأحباب
ضَيعة ابونا يَعقوب
والريّس فؤاد شهاب
نامي مَلوا عَينكْ نامي
الله عنّك ما بيتخلّى
رَئيس المجلس مُحامي
وقُنصل قدّ الدنية كلا

عزّك باقي وما بشيخ
والقمر فيكي خلقان
بُكرا رَح يحكي التاريخ
أفضالك عَكسروان
من حقّك لو شفتي بْحالك
بْشَعبك بترابك بجْبالك
وتمثال العَدْرا عَشمالك
بْحَريصا عليكي سهران

كلمات: مرسيل مدور

ألحان وتوزيع: باسم رزق

تسجيل: جو برودجيان